![]() |
Quest articol chì l'è scrivud in lombard, con la Noeuva Ortografia Lombarda |
In del dirit statunitens per diversity jurisdiction se intend una forma de giurisdizzion soget-materia che ghe dà ai tribunai federai la possibilità de scoltà di cas che sarien ordinariament scoltad di tribunai statai, a pat che i part inn citadin de diferent Stat de l'Union e che la causa la val pussee de 75'000 dollar.
L'articol 3 sezzion 2 de la Costituzzion di Stat Unid el permet al Congress de dàgh giurisdizzion ai cort federai in 'sti cas, roba voluda di pader fondator perchè temeven che una cort statal la podeva vesser pussee a favor de quell che 'l viveva in del Stat, e 'l Judiciary Act del 1789 gh'ha dad 'sti poder chì per la prima voeulta.
In del 1969 un raport de l'American Law Institute l'ha ciamad 'sto tipo de giurisdizzion federal el "pussee controvers", che 'l "lassa verte di question fondamentai in sul fonzionament de la natura e di operazzion de la nosta union federal".
© MMXXIII Rich X Search. We shall prevail. All rights reserved. Rich X Search